cakapla mende pung

yang faham, pasti memahaminya….

sambutang arik raye’ puase taung ning…..satu rumusang

Arik raye taung ning akuk sekeluarge balaik ke kelatang dulu pasa akuk ade planning lain di kapaung akuk…jadik ke kelatang duluk la kalik ning…bertulok dari kl puku 3.30 petong..tu pung ikut jadua asa bining akuk nok tulok puku due…tauk sukmu doh die tu…liwat sejang sukmu pade jadua..peranga hok akuk yapoh sukmu….pindekkan cerite perjalanang balaik, jalang dok jeng..cumi kite banyok, dok bulaih bowok lajuk..dalang 70 ke 80 km/j je..sekak2 ade la sekali due…jumloh jang perjalanang lebaih kurong 11 jang, buke puase kat steseng petronas Kechau kaluk dok silak akuk…dalang perjalanang jupe dengan ade se kite terbakor, dok tauk la eksideng ke wakpe, atas bukit mani dok tau, kaming dok butik pung pasal doh tengoh malang doh…sapa di rumah di Tanoh Miroh pukul due pagik doh….

Untuk jamuan raye kalik ning, dime…biningg akuk & adaik beradaik die (akuk dok capur..ikut je..) pakak la nok tepoh sate nok makang arik raye…begatang pitih la kunungnyi…surauh la birah aku tulaung tepoh di Tanoh Miroh nung…300 cucauk kaluk dok silak akuk…guni la pitih die dulu…tapi gak akuk dok tauk la dime ning (hok mani yang keje la)bayor balaik ke doknyi….pasa masa akuk bayor giang kaming ke birah akuk teh, hok laing pakak wat dek lembuk kenyang je…

Selaing pede tuk, bining akuk nok wat la nasik ayang etek…birah akuk surang lagik tuk(bukang hok tepoh sate tu) kate doh tepoh sate..dok payoh la buat nasik ayang….ek eleh dalang atik akuk…ape salohnyi sekalik sekale, sekali untauk due taung bukang sukmu tuk pung nok kire….kamaing wik la pitih limi pulauh ya wat belik barong, tinguk bagiang wat belik sayu-saya je..tuk pun dok sapa 50 ya rasenye…pah tuk giang ayang bior dime la belik isaukkannyi…lah-lah rupenyi mok tue akuk juge wat tubit pitih wak belik ayang…ceh….kemuknyi…..Ingatkan bile kemuk nok wat tubit pitih…nok makang la..sekalik arik raye teh..die duluk sekalik makang…nok tungguk sate, tengoh ari baruk sapa….kaluk tak dok nasik ayang tuk, dok ke kebulur belake…..

Sarik sebelum raye…akuk anok binaing tubit gik Pekan Tanoh Miroh jalan2, malah dok dumoh…le balaik singgoh la belik lemong pat batong…adik ipor lakik akuk teh belik juge due batong..sapa dumoh semui tadok dumoh, tubik belake..tingga tungging laguk tuk dengang dok masok nok buke….ingat ke dime nok makang luor, bining akuk nanok sikit je la…lah-lah dime balaik dekat nok buke doh..pahtuk tanyi mok tue akuk bakpe dok nanok…ape la..ye pung nok tubit siap la duluk…akuk tinguk sabor je la dengan khenoh dime…Esaukkan bining akuk wayat, adik ipor akuk lakik binaing tu, pukul 12 malang bangaung makang lemong hok adaik ipor lakik akuk belik….bukang nok ngajok uraung lain ratik…pah tuk komplen pulok…tawor heber katenyi….dime panda makang je..beliknye dok…kemut belake lakik binaing…se lagik air suya hok wek ke anok dime minung pung nusuk minung dalang bilaik tak mboh wek ke uraing laing…ape punyi kedekut la….mulaik doh lagik binaing tuk…………

Raye kalik ning mimang la akuk rase macang panah pedal je……………binaing akuk asyik dok belibi je sepanjang jalang nok balaik kapung di Padong Taman dekat Kute Baruk nung.. Nok balaik kapaung neh pung ade cerite lagik..ikut ke dime ajok gik pagik raye kedue…akuk wayat binaing dok payoh ikut dime…kite gik petang raye tuk juge..kang ikut ke dime puku berape pagiknyi…rupenyi sunggauh..pukul 12 tengohari pagiknyi..mujur kaming gik duluk tidur dinung..dang la gik kubu dengan Padang Taman tinguk nenek tue hok keni strok sambil beraye…

 

Single Post Navigation

Tinggalkan Jawapan

Masukkan butiran anda dibawah atau klik ikon untuk log masuk akaun:

WordPress.com Logo

Anda sedang menulis komen melalui akaun WordPress.com anda. Log Out /  Tukar )

Google+ photo

Anda sedang menulis komen melalui akaun Google+ anda. Log Out /  Tukar )

Twitter picture

Anda sedang menulis komen melalui akaun Twitter anda. Log Out /  Tukar )

Facebook photo

Anda sedang menulis komen melalui akaun Facebook anda. Log Out /  Tukar )

Connecting to %s

%d bloggers like this: